ثامدّا نْ واولّوت
ذ. عبد الله الزغلي
ثامدا ن واو اللوث قايت ي آث حتيك نتريفة ذني أوفيلاج ان سيدي امحند ابركان. يناك زيك أتوغ ذي ومكان اني إدجن أسون أنيمسلمن غرسن إخامن نجرثال زذغن ذيني.أتوغ ذلوقت أنوزار غدجن نتلاثة انيمرابض ذيسن البركث ثرّو، إدجن اقّارنّاس الشيخ عبقاذر جيلالي، قاك القبث أنس ذي بغداد ذي الشرق، أغيرين إلحيدج. أذييدجن اقارناس سيذي بومدين لمغيث، قاك القبث أنس ذي ثمديمت نتلمسان، أذييدجن أقارناس سيذي بوعزة، قاك القبّث أنس ذي الغرب. جبذن غ أسون أني ثن أسيذفن إثباب أنس أغرسن أفغن، إلقني أتوغ أكيدسن إشت نتوسّارت أتدجالت، نتاث أتذرغالت سي اثناين أنططّاوين، أغرس إشت نيلييس أكيذس، أغرس إشت نتغاط ، أغرس إشت نتعشيوت أتمزيانت، أغرس إشت أنتجلي أنييرذن. إذجن أمميس أتوغاث ذي الحبس غر أجلّيذ أتوغ ذي الوقت أني. ألقني أمثفغ يليس ثزريثن ذي برا، ثذول غر يماس ثناس إدجن نتلاثة أيريازن قاثن برّا يتاغ خفسن ونزار، أور غرسن يفّغ حد سي إثباب أسون أثن يسيّذف. ثناس يمّاس أور غرنغ ماين غاتشن. إوا اثحشّم ذي يماس آلماني ثن ثسيذف، ألقني أميوذفن أوفين تعشيوت أثمزيانت، أوفين غير إشت أنتجلي أنييرذن. أنّان إلقني كل يإدجن أيكّر سيشث نلحاجت. الشيخ عبقاذر ينّاس نتش آداويغ مميس زي الحبس، سيذي بوعزّة أغربي ينّاس نتش أذتشارغ لمراح سي الحرّاك، أتعشيوث أتسمغرغ. سيذي بومدين لمغيث ينّاسن نتش أذتشارغ ثعشيوث سي يرذن، أدرّغ ثوسارث سي ثيطاوين أنس أتزر. إوا الشيخ عبقاذر يسحضر ذيني مميس أتوغا ذي الحبس، يمونسوا أكيذسن، بوعزة إعزم خثغاط أني، يتشور لمراح سي الحراك. يقل غر اتعشيوث ثمغر ثذول نتّاث أيلان أثماقرانت قاع ي أسون أنّي. سيذي بومدين لمغيث يمسح فوس أنس أخثيطاوين نتوسارث أني ثذول أتزر خير سي قبل أتدّرغل، إعزم ذيرذن أني ثتشور اتعشيوت سيرذن. إوا القني نسين أغرس. أيتشا أمي أخسن أذروحن أنناس إيثمطوث أذمميس أقمّي (أخمي) غاثزرم ثايذيث أثيسي أراو أنس أتوغا وسون أني إشت أنتذيث ثيرو. أنانسن ماني غاثسرس ثيذيث أرّاوإسيم ثعشيوث أنون سرسمتث أزاثس. أقيمن أمني ألمي أزرين ثايذيث ثسنقال ذي وراو أنس، أتاويثن غر يشت نتخربوشت ثوعلا ثسرسيثن أزاثس. أمي ثيسي ثعشيوث أنس، يوشا ربي انزار يرّو سبع أيام غ ثمن أيام، القني يبذا وكان أني ميذي يزذغ أسون أني إهوكاّ، إهوكّا يتّاذف ذي اثمورث ألمني يغرق أسون أني، يذوَل كلشي ذامان.
ميخف أمكان اني مذي ثلا واولوث لظرايف انس أوعلان، أمكان أني ميذي أمان يغتر ذثمورث، أليلي أني ذاس ينوضن يناك أمني أيتوغ أسون ينّوض، مانيس يهوا يغزر يناك اتوغ ذيني ثعشيوث نتوسارث اني، آمي ثكاج ثدجا الفايجث، ألقني أم كثرن ومان أهوان أسني، يقيم أمني ذغزر سلوقث ني آل يضو.
----
عن منشور لأمسية ثقافية لجمعية الشرق
ليست هناك تعليقات:
إرسال تعليق