ثحاجيت نـ "سالف لونجا" سثمازيغث نياث يزناسن-ذة مريم مركوم- أكاديمية التراث

ثاسلماذت مريم مركوم

ثحاجيت نـ "سالف لونجا" سثمازيغث نياث يزناسن-
لـ ذة: مريم مركوم- أكاديمية التراث
جمع وتنقيح ذ. عبد الله لحسايني

حاجيتكم لوكان ما هما ما جيتكم ، توغا يا سياذي ذْ گيدج القيس ، ذِ الزمان أوَّمان . إدج أورياز ذمعگاز يتراكال زي الخدمث ، مي لاس غاينين الخلاث أنس أكر أتخذمذ يتراكال يتروح يتهوم.

ور يتعيقيب ألغا يالي واس آ تغاب ثفويت ، ها الخلاث أنس ثقيمانت سغويونت أتمنغانت أكيذس ، ها يفكر  ذْ گيشت نتحيلت ، آ ذي غاب آذ يخوا يامكان باش أورث اتويلينت.

أكذ إيدجن الصباح ، قبل غا دنن إعلعال ، أقبل غا زون ييدان ، يكر ورياز اخزيك يقيم يتغنى يسدندون ز لفرحت . ثمغارت انس " ثاعگونت " ثفرح اولا انتاث ثسوجذاس اموشري ، ها ثروح أتازل ثسكر ثاكنا نّس "ثاميمونت " ها يلغاياسد ورياز انس زي لجهذ يناس : ماني ثگيمت ثيخونشاي لعولث ؟ . ثيخونشاي اتوغاثنت اتشورنت زگيباون إزايذن ذگخزين أسگاس . ها يلقني "ثاميمونت" ثزعف ثناس : ها خيار ثخسذ ألانغ ثخويذ ثاخزينت ألانغ تدجذ بلاش ؟ إلقو ثو تواليت تصبح ؟

يضحك ورياز أفنيان يرّا أخس : ثواليذيي أتشيغثن ؟ نغ عقبغام ذا امزيو؟ قا خسغ أذ زرعغ قاع إباون اونين ، أمورو زي تيذت ما شي تاذنازت ، إلق آدولمت الخلاث انبو إباون

ثفرح ثمطوث أنس ثاعگونت ، ها يلغاياسد يناس ارواح لعزم الام إنيغ باش أولاس اتسلي ثمطوث أنس ثاعقليت "ثاميمونت" ، يناس : اسحسد اغري قبالا ، إخصيشم أتگذ إباون آذوفن ذگامان باش أذمغين لعزم ، أذمغرن أضاوضن أجنا .

يفغ ورياز أمعگاز أخوغيول أنس ، اتقبضت ثامطوث أنس ثاعگونت آل ثاگورت ، ثقيم اتراجا لخبار انس. ماشا ثاميمونت ثاعقليت ثظفرت هل ثصيوذت أغلاي إودوار باش أتعقل اخوبريذ أذلرسام .

ييمض أسگاس ، ارياز قاع أوريبان ، الجيران اذ لحباب أقيمن اتسقسان ، أدجار يتسقسا أدجار ماني يروح خو هزمار ؟ زي ملمي غر ودجار انغ ثامورث حال عباد الله ؟

يكا اوسگاس أنيضن ، ها يباند ورياز ، ها قا يعقبد ، بصح أور دييويي أكيذس والو ، لا ذزريعث لا ذالغلث ! يعقبد يتنگوگو ، إفاسن انس اخوان ، أرياز أفنيان ما يتشا قاع إباون اني ؟ ماينزي غا يجاوب الخلاث انس ماين لاسنت غا ييني مي ياثسقسانت خصوالدا ؟

سغويونث أخس الخلاث أنس ها يزوغ زو غمبو: مانيس ثكا الغلث آ يفلاح انغ ؟ نتوالا أقرابن اوغيول خوان ؟ أور اخس لا ذزريعث لا ذالغلث؟

يرا اخسنت ورياز انسنت : آيتشا افغمت غر وورثان آلمي غا ثاوضمت أتافمت إباون اتاوضن ذي ثيدي انسن ثاغريت إنو ، كل إيشت حبت القد الحرز إينو ، قا ذوني انت أورثو إيباون إينو.

أكذ الصباح زيك ، قبل غا دنن إعلعال، قبل غا زون ييدان ، أفغنت الخلاث انس أقيمنت اتعبرنت إباون الجيران ذگورثان ، إيشت ازيسنت اتعبر ثزيرت أباو ، إيشت لعبار نتحبت أوباو . آلمي إنصف اخسنت واس اوحلنت ، ملنت ، يوذفاسنت الشك زي لعبار أونين اورنشور نيباون زي ثاغريت ذ الحرز . مي ييوضنت غر إباون انتامزا ، إشت نالريحث ثقبح ، ثسضوهشور ، اسلينتاس اتلاغاياسنت ثقار : ماين دين الشريكت بلا الزريعث ؟

هايلقني ثامزا ثزعف أولاس يعجيب الحال الخالاث ، إخصيثنت ألاس إنينت ماين الانت اتگنت ذي وورثو أنس ، ثناس ثاعگونت : قا نعبر إباون انورياز انغ بو يباون المختار ، ثرا اخس ثاميمونت اسلعزم : آ لالة انغ ثاحنينت ، نتشين قا نترگح غر وخام انغ ، إنصفد اخنغ واس ، ها نطارح ذا باش انسوحل شوايت ، آلغا يصمذ الحال أنكر انرگح. ثرا اخس ثامزا ثاغدارت : قا ذالعيب ذالعار آ لالياتي ، نتش ماشي اتمطوث ملا ادجيغكمت اطارحمت ذي لخلا تهوممت ، أدجت آغيول انكمت ذا ، أثقنغ زاث إوخام ثاذفمت غري غر وخام .

أتوغث ذمكان يساگاذ ، ثاگورت أنس ثوعلا قبالا ، حارنت الخلاث ميسم غا گنت باش أذالين أساون ، ثسيغاسن ثامزا أشنكوك انس ها ثسيليثنت غر زذاخل إوخام انس.

ثدر ثامزا ثناسنت قتروحغ اذقنغ آغيول ، مشا نتاث ثروح فيساع ثتشا ياغيول ، ثدجا غير أزليف أنس يتبان إلخلاث ازاث إوخام ، بايناهو قاث لباس .

ثاميمونت ثوكا زي لغدر اثحس بلي قا حوفنت ذگيشت الموصيبت اتامقرانت ، ثاميمونت اتوغا اغرس إدج اوربا ثربوث ذگعرور انس ، ثاعگونت اتوغا اغرس ثاربات اقرناس لونجة ، ثامزا ثقيم اتيرار أكذ إحنجار سثناين اتنبيسن ثيشين زو زليف اتتيثن ، ثاعگونت ثقيم اتحار مشا ثامزا ثناس قا اللي ذ العص .

ذانيت ثاميمونت ثسن نيشان بلي حوفنت ذي وخام انتامزا ، ها قيمنت اتفكرنت ذي إيسوعذار ذ ثحيلاثين باش آذ سلكنت .

اناناس : ادجانغ القو انروح آ لالة ثاحنينت ، قا نسويحل . ثقاراسنت : مالا كنيمت ثسويحلمت أغيول انون مسكين قا عاذ يوحل ، ثوالا ثاميمونت أزليف انس إدلا ، ثغمز إتعگونت ثناس اللي زي بسياس : قلانغ ذگخام انتامزا .ثرا اخس ثاعگونت ز لجهذ : أ يلا ماشي اتامزا ماينجارام اتغمزذيي ؟

ثاميمونت اثفكر باش اتسلك نتاث اتعكونت ، لحقاش ملا طارحنت انسينت اذمثنت ، ثامزا اهن تنغ اهن تفز زي ثغماس أنس . اثزلع أجدو وامان ثقرص اربا أنس ، باش اور يتصقير زي الحس ذي مطاون ، ثنا إ ثامزا ثترتث : آ حنا ثامزا البز أفوذن قا ترون ، قا يلام قلبن أدرداز ، ادجانغ انروح انايم أمان زي ثيط ، باش آ ذيرارن ذيني أذاحلن ، عاذ أغرمد نعقب ذ گيض.

اثنجحاسنت اثحيلت ، لحقاش ثامزا اور اتقبل ثيغويا ذ الزگا نالبز ، ماشا اور تريض زي ثحيلاثين انس إذ لغدر ، ثگا إمانس اتعاوان ثاعگونت ، باش اتربو يليس لونجة ، ماشا نتاث ثگاس ذي ومكان أنس إدج اذيذي ثفر ثاربات ذي وانفوس نالشايت انس.

الخلاث ذي الوقت اني توغاثنت كسينت إيذيذي أكذ ثاروا انسنت ربونت ذي ثسحلست اخوعرور.

اكرنت الخالاث الغراسنت قا سلكنت زي ثامزا نيهنين اطاروا انسنت ، أفغنت اتازلنت غر ثگورت يوعلان اطفنت ذ گيشت نتسجريت ها درنت ، اطفنت أبريذ غر وخام انسنت آلمي يغلي واس ، قبل أضاوضنت ثفقذ ثاميمونت يليس نتعگونت ثناس : ماني ثلا يليم لونجة آ ثاكنا إنو ثاعگونت ؟

ثرا اخس اثعايرتث : قات اخوعرور إنو ثطس العيفت نلخلاث ، وي ييخضارن انوجو غر ثامزا ور يحلان ، ثسوحلذانغ ذي الباطل ، نتش اتوغيي اخسغ اذ عقبغ اخوبريذ انو مي يوحلغ الوزغ افوذغ.

ثزعف ثاميمونت ثسقر ، ثمسح ثينيرت انس زي ثيذي ، اور ثري قاع اخ ثاكنا أنس اخ قاع ما ين ثنا اللكذوب. اتوغات اثحس بلي شرا الحاجت اتودراسنت ذي ثحفيرت اني انتامزا ، ثسيذف فوس انس باش اتفقذ ثاربات ، سعى ثوفا غير إشرويض ذي ذيذي ، لونجة اثودر.

ثامزا ثخس اتتش لونجا ، مشا القدث أنس اتازذات اورتسقنيع اورتَسَّدْجِوين أعدييس أنس.

يمضن ووسان يمضن اسگوسا ، لونجة ثعيش ذگخام اوامزيون ، توالا زي ثامزا العجايب اذ لغرايب ، أتوغ اغرس سبعة نثيوذار ، أتوغ ثامزا اور اتت الغا لاسنت اتلاغا باش أذديونت ازاثس باش اذتشنت قاع اتقيم اتصحك اتيرار.

اتوغات اطفغ اتصيد ما ينما ثوفا زاثس ما ذبناذم ما ذلبهايم ، إمي غا تاوض أخام انس يگين حال إفري ، اتقيم اتسحوندرث حال ثاغيولت اتغنى اتشرب اسلعزم ثقار : اتشيغ سبعه اييريازن ووسثمنيا اتادجالت اذ لغزال قا يتوايام لونجة يا لونجة أوشييد أشنكوك انم أ ذاليغ .

اتسلياس لونجة ، ثامزا تقيم عاذ تغنى ، ها تمطراس لونجة أشنكوك انس حال إدج أو جيذر يتدرن زگجنا ، اتطف ذيس ثامزا اتالي باش اتاذف غر وخام انس .

ذي الجهة أنيضن ماني توغ زدغن اوذان اذ ييربان توغ يتناقال جاراسن اوال اذ لخبار أ لونجة زدغن ذي ثمورت أوامزيون ، مسكينة اتزدغ ذي الخوف وحذس.

اتوغا خييس زگباس مميس أ ثاميمونت قاع اورت يتيويي قاع اور إيحار يوثا الدنيت زو ركيل ، مشا مميس اعميس توغاث يتحسا زي الندامت اتاموعقرانيت كل مي شرا اييدجن يسيول اخ يليس أعميس.

مميس اعميس توغاث لباس أخس ، أوال انس اذ لفعايل انس صبحن ، ماشا مي يمنغ أكيذس مميس نالقايذ القبيلة انسن ، يقيم يتعاياريث ، لحقاش يسزعفت يرو ، يناس إدج اواوال يدجيث يترجيجي ، يناس ذا وال خييري اوي اثينان آ سيادي : أيا نقصي نتاريازت نالعفث ، مالا تحسبذ إمانك ذارياز ذا كوراجي ذيك الزعامث ، أور اتدجيذ يليس اعميك اتنوحبوست غر وامزيون .

يعقبد أربا غر وخام انسن ، ييسي إيذورار نالهم ذگول انس ، يرناياس الحال آمي اورد يوفي أولا ذيدجن باس الاس إعاوذ ميسم يمسار أيو نغ ماين اوقعن زو مزوار ، لحقاش يماس توغاث اتگذ اخس زي الثار نوامزيون مالا افكر باش اذسلك لونجة . يقيم يساوال إيمانس يقار : الثار ولا العار ! إخاصيي اذ سلكغ لونجة أترغ غر وخام انسن ، إلقني يقيم يتزگا يسوال ألمي يحوف ذي ثمورت يقيم يتگ مسكين حال أقيلول يساوال ز گوالن أولاسن يفهيم أولا ذيدجن غير إيشت نتوسارت اتوغات اتزدغ ازاتسن ذگيشت نتقيضونت ، اتوغات اتاحكيمت تسداوا عباد الله مي غا هلكن ، تقاراصن أوال إصبحن باس أتيسين ذگول انسن اتوصاثن .

ثقيم ثسحسياس مزيان نتا يقار : يما يا يما أحرير يصمذ ثحريرت تحما ، ثفهم ثاحكيمت بلي ياربا يا يخس آذ يرشل ، يا يخس آذ يتش أحرير اتحريرث. ثناسن اويتيذ أحرير يصمذ ذي ثزيوا، اتاحريرث ثحما ذي ثزيوا أنيضن ، يكر وربا حال جيذر يطف فوس نتوسارت ثاحكيمت (نتاث ثقيم اتحار )  ، يبزاست فوس ذي ثحريرت ألمي ثقيم تسغويو زي لوجع ، ثوسد يماس اوربا أتازل باش اتفك زي الموصيبت او ، ماشا وريخس يناس آلغا لي تعاوذذ كلشي ماين يمسار آكذ لونجة زو مزوار.

ثقبل يماس باش الاس تعاوذ ، ها يگا فوس نتوسارت ثاحكيمت ذي ثزيوا اوحرير اصمدن. عاوذناس ثاقسيت زو مزوار خبرناس ماني اتزدغ لونجة أكذ ثامزا .

يجمع آربا العولث انس يفغ باش آذ اروح اذسلك لونجة، اتوغاث يسن بلي قا خس اكنت لمحاين اذ لمصايب ، لحقاش ثامزا ثمرا قبالا اخ يوذان واخا يامني يگا الكوراج يسقسح اول انس . مي دييوض غر ومكان لاس اسنعثن يقيم اردزو اخوخام انتامزا ، شواي شواي يسلاس اتزكا اتغنى حال ثارعديت ثقار : اتشيغ سبعه اييريازن ووسثمنيا اتادجالت ، اذ لغزال قايتوايام لونجة يا لونجة أوشييد أشنكوك انم أ ذاليغ. ها ثبان إيشت انتربات اتصبحانت يرو ثگا حال يور ثسيغاس أشنكوك انس يگين حال لبحر ها ثطف ذيس ثامزا ثوذف أخام انس.

يفرح وربا أمي يزرا يليس أعميس لونجة ، اثشفيت الحالت انس ذي ثلا ، إعجباس الزين انس إرقن ، إعول أذ يگ قاع ثزمار انس باش آت اسلك، واخا قاع أذ يمث .

ثفغ ثامزا حال من داري اور ثري ولها إونوجي ادجذيذ ، لحقاش أتوغث يفر جار ثيسوجراثين باش ور يتبين . يلحمد ازاث ايفري انتامزا إلاغا إ لونجة حال ما مك اتگ ثامزا يقيم يقاراس : اتشيغ سبعه اييريازن ووسثمنيا اتادجالت ، اذ لغزال قايتوايام لونجة يا لونجة أوشييد أشنكوك انم أ ذاليغ.

ثسروگبد لونجة ثخزر اثوالا إدج أورياز ذا براني ، ثگذ ازيس ، ثسقساث مانيس نت اذ ماين يعنا !؟ يناس أور اتگذذ قا نتش اذ مميس أعميم أوسيغد باش اشم سلكغ زي ثامزا اذ وامزيون ، إعاوذاس ثاقسيت انس زو مزوار آلمي ثومن ذيس ، ها ثسيذفت غر وخام ثفرث ذگيشت انتيذورت .

مي ثعقب ثامزا غر وخام ثبدل ذو غمبو انس ها يوذفتث الشك ذي لونجة ثناس :

_ أشنكوك أنم إخصيت إدج اوانزذ

_ آ حنا ثامزا إعلعال انم اتوغاثن اتمنغان أمي روحغ أهن فكغ قضونيي إيدج اوانزذ زو شنكوك .

_ قاتفوخغ الريحث نتقصريت زي لبصل آ لونجة !؟

_ آ حنا ثامزا ملغ زي ماتشا انلبدا ها فكرغ باش اذسوغ ماتشا ادجذيذت.

ثسقر ثامزا ورثوفي ماين غا ثيني ، يهنا الخاطر انس ها ثسرساس لونجة ماتشا ازاثس ثلاغاد خثيوذار باش أذديونت ازاثس ، ثناسنت : اديومت آ ثيوذار ثن تقيمنت اترز .

ثيوذار لحمنت زاث إثامزا ، غير إيشت انتيذورت ذي توغ يفر مميس اعميس آ لونجة أي يقيمن اور تلحيم .

مي ثخس ثامزا باش اترز ثناس لونجة قا مسكينة ور تزمير اتكر اتلحم حال شم قتناكارذ غير زي بسيف ، ثامزا ثخس اتكر بصح ور ثزمير لحقاش لونجة توغات ثوثاياس انسمار ذي الشايت انس ها ثناس لونجة :

_ آ حنا ثامزا أور اتردزيذ ثايذورت قا ور ثزمير اتلحم حال شم اور تزميرذ باش اتبدذ غير زي بسيف .

اثجرب عاوذ باش اتكر اورتزمير هل ثومن ذي لونجة .

مي كملنت ماتشا ، لونجة ثتر ثامزا باش الاس ثسكن ثزمار انس باش اتسن شحال ثمعز . ها اثجبذاس ثامزا ثكمسين زي ثزوادت انس ثقيم اتحسباس ثسكناياس ثقار :

_ ثو اتكموست او صميذ

_ ثو اتكموست او ذفل

_ ثو اتكموست اونزار ......

آلمي لاس ثسكن قاع ماين اغرس نثكمسين انتزمار.

مي ثطس ثامزا ، اثخوناس لونجة ثكمسين نتزمار ، باش اترول أكذ مميس اعميس ، ثستوتف ذگيدج اوذيذي لحقاش مالا ثستوتفذ ديس اذيقيم يتعاواذ اوال انباب ثيكوفا ، إدج اعلعول يزرا لونجة مي ثرول يقيم القني يتلاغا إ ثامزا :

كوكو عوعو لونجة يويت أوعاميس

كوكو عوعو لونجة يويت أوعاميس

اثلاغا ثامزا اخ لونجة ها يرد اخس إذيذي زي الصوت اللونجة ، ها ثكر ثتشا يعلعول لحقاش اتلاغراس قيسكذوب اخس.

ها ثقيم كل مرة اتناكار اتت إيدجن ازيسن اتعاقاب اتطس المي هن اتكمل قاع .

مي قضان ثكوفا ذو ذيذي ثلاغا ثامزا او اخس يري أولا ذيدجن عاذ دانين آي ترا لخبار بلي لونجة بصح ثرول . ها ثكر تذفرتث

لونجة اتوغات تگور تسقسا يور ماني ثلا تيوض ثامزا تقاراس :

_ أيور آيور ماني ثلا حنا ثامزا

يترا اخس يور يقراس :

_ أويور أويور قا ثلحگد أخم

إلقني اترزم لونجة ثاكموست او صميذ با اتحصر شوايت ثامزا اتسلها ذي ويراو نتكموست ، عاوذ شوايت لونجة اترزم ثاكموست اونزار ، ثقيم كل مرة تفسل إيشت كموست اتامزا اتيرو المي ثكمل قاع ثكمسين ، ها يفرق جاراسنت إغزر كل إيشت ثقيم ذگيشت الجهت ، ثامزا ثخزر غر اجنا ثترتث ثناس :

آ لالة يا جنا أوحلغ نتش اتربيغ ذي لونجة اسمغرغت ، القو اخسغ قاع ماين ديس اگيغ ذالخير الاس يبرك  ذي يفادن اتجن اور اتزمر اتكر باش اتويور ، القني ثبرك لونجة ، ها ولا انتاث ثقل غر اجنا ثترتث ثناس :

آ لالة يا جنا أوحلغ نتش اتسخرغ اسويغ اتصبنغ اسميزذييغ إ حنا ثامزا ، إلقو أولا انتش اخسغ قاع الخير ذيس أكيغ الاس يبرك ذي يفادن اولا انتاث اور تزمر اتكر باش اتويور ، القني أولا تامزا ثبرك ها قيمنت أمني آلمي امسوسموحنت ، ها كرنت سثناين ازيسنت .

القني قبل غا ثروح لونجة اتوصات ثامزا اثناين نتوصاي ثناس :

1) اغرم اتعاونذ شرا ييدجن أغرس لحمل يذقل

2) اغرم اتفكذ إجاروفن مالا توفيتن اتمنغان

ثويور لونجة نتاث اذ مميس اعميس المي اوفين إيد أورياز إحوفاس لحمل خو سرذون بصح أكين اخس ورثعاونن ، كملن ذگبريذ انسن المي أوفين ثناين إجاروفن ذمقرانن اتمنغان ، اروح مميس اعميس اهن إفك اسعا يصرت إيدجن ازيسن ، ثقيم لونجة وحذس تترو ، الاغاياسد مميس اعميس زو عديس اوجاروف امقران يناس :

آ لونجة اضفر ابريذ إيغزر آلغا ثاوضض ثاقبيلت انغ ، بصح اولاسن تقيرض والو ، إيرض ثاهيدورت أويذي ، قا ياذيليغ آكيذم دايما.

ثگا لونجة مايلاس ينا مميس اعميس مي ثيوض ثاقبيلت انسن ،  ثيرض ثاهيدورت اييشت اتقزينت اتمجرابت ثقيم اتحطا يا جنا ، يوسد مميس اعميس ذو عديس اوجاروف قبالت انس ابدلاس اسم انس باش اورث يتعقل اولا ذيدجن يناس :

_ ليلى يا ليلى واش عشاك الليلة

ثرا اخس لونجة ثناس :

_ عشاوني النخالة ورگادي فالخالفة

يرا أخس مميس اعميس :

قرح أما قرح أبا قرح الخيمة لكبيرة

يعني أولاس يعجيب الحال مي اورذيس انهلين اوشيناس غير آنخال باش أتتش ادجينتث ثنسا ذي ثعوشت اييدان.

اسلين إوذان إواوال اوجاروف اذ واوال انتيذيت ، ها قيمن حارن اتخممن ، روحن اوشين إ تيذيت ماتشا يصبح ، عذلناس امكان ماني غا ثطس ، ذگيض يذولد اغرس مميس اعميس يسقسات :

_ ليلى يا ليلى واش عشاك الليلة

ثناس :

_ عشاني الرفيسة ورگادي فالقطيفة

يرا أخس مميس اعميس:

فرح أما قرح أبا فرح الخيمة لكبيرة

يعني مميس يفرح مي يسن بلي اوشيناس ماتشا يصبح اوشيناس أروض انهلان ذيس

اتروح يماس امميس اعميس ا لونجة غر ثاوسارت ثاحكيمت ، ثناس إخصيشم اتغرصذ إييدج او وجذي اتسملحذ قبالا اتدجذ زاث إغزر ، ثكا ثمطوث مايلاس ثنا ثاوسارت ثاحكيمت ، يوسد جاروف أمقران يتشى أجذي بصح يوساسد ذا ملاح بزاف يقيم إسس أمام زگيغزر ألمي إعوق مميس اعميس ا لونجة .

ثاقبيلت ثفرح أگين الفيشطة ، ها يناسن مميس اعميس ا لونجة ، نتش اخسغ اذرشلغ زي ثايذيت ، أقيمن حارن أورخسن ، بصح نتا يناسن والو اتاويغ نتش اخسغت.

ذگاس امي يصبح الحال ثفغ لونجة زگخام أورياز انس ثگا حال يور اترق زي الزين ، ها قيمن الغاشي انتقبيلت حارن ذيس ، ألاغراسن ثايذيت ثذول اطامطوت ثصبح ، ثفغ ثاخدامت انس اتغنى ثقار :

سيدي يور لالة ثفاوت ، سيدي يور لالة ثفاوت...

خييس آ لونجة زگباس وني إسلكن زي ثامزا ذو مزوار ، أتوغ وريخس اذسلك خيتيس ، يوسم زي مميس اعميس ، يناسن أولا انتش اخسغ أذرشلغ زي ثيذيت ،  باش اتذول اولا انتاث طامطوث ثصبح، ماشا مي يصبح الحال اخس ، ثفغ ثاخدامت انس تسغويو ثقار :

سيدي ذيهي أذان انس ذيهي ، سيذي ذيهي أذان انس ذيهي...

يعني ثنغيت ثايذيت اثجبذاس آذان انس.

ها اسياذي اثحاجيت إنو ثكمل تروح إغزر إغزر ، ذفرغتث أولا نتش باش بحرا يا ضاوضغ غر وخام إنو ، ألاسن اويغ الفقوس ذو هركوس.